სამართალი არის სახელმწიფოს მიერ დადგენილი ან სანქციონირებული ქცევის საყოველთაო ნორმების ერთობლიობა. მოთხოვნილება საზოგადოების წევრთა ერთობლივი თანაარსებობის მარეგულირებელი ურთიერთობების თაობაზე წარმოიშვა უძველეს ხანაში. ადამიანი მალე მივიდა იმ დასკვნამდე, რომ უმჯობესია დაედგინათ ნანადირევის განაწილების რაიმე წესი, ვიდრე ყოველი ნადირობის შემდეგ ერთმანეთი ეხოცათ. სამართალი ყოველთვის ატარებს კლასიკურ ხასიათს: სამართლის საშუალებით მმართველი კლასი ამკვიდრებს მისი ინტერესების შესაბამის ურთიერთობების წესებს. ამ თვალსაზრისით სამართალი არის კანონის რანგში აყვანილი მმართველი კლასის ნება. არსებობს სამართლის მრავალი დარგი, მაგალითად: ეროვნული და საერთაშორისო, ადმინისტრაციული, საჯარო. სამოქალაქო, სისხლის და ა.შ. მაგრამ სამართალი არის არა მხოლოდ კანონები და კოდექსები, არამედ იურისპრუდენცია, ტრადიციები, დოქტრინები და სხვა.